About Us

ہمارے مقاصد

ٹرسٹ فلاحِ ملت کا بنیادی مقصد امتِ مسلمہ کے دینی عقائد اور ان کے بنیادی انسانی حقوق کا تحفظ ہے۔ ہم چاہتے ہیں کہ ہر مسلمان کو اس کا دینی تشخص برقرار رکھنے کا موقع میسر ہو اور وہ اپنے عقیدے کے مطابق زندگی گزار سکے۔
ہم غریب و نادار افراد کو انصاف، روزگار اور تعلیم جیسی بنیادی سہولیات فراہم کرنے کی جدوجہد میں مصروفِ عمل ہیں۔ ہمارا ماننا ہے کہ ایک خوشحال اور باشعور معاشرہ صرف اسی وقت قائم ہو سکتا ہے جب ہر فرد کو ترقی کے مساوی مواقع میسر ہوں۔
اہلِ سنت و الجماعت کی تعلیمات کو فروغ دینا، اور اسلامی روایات کو نئی نسل تک پہنچانا بھی ہمارے مشن کا اہم جز ہے۔ اسی مقصد کے لیے ہم ایسے تعلیمی نظام کی ترویج کر رہے ہیں جو قرآن و سنت پر مبنی ہو اور سیرتِ نبوی ﷺ کا عکس ہو۔
خواتین کی تعلیم پر خصوصی توجہ دیتے ہوئے ہم ایک ایسا ماحول مہیا کرتے ہیں جو ان کے لیے محفوظ، باوقار اور دینی اقدار کے مطابق ہو۔ ہم چاہتے ہیں کہ ہماری بچیاں بھی علم اور شعور کی دولت سے مالامال ہوں۔
دیہی علاقوں میں تعلیم کا شعور بیدار کرنے کے لیے ہم ہمہ وقت سرگرم ہیں۔ ان پسماندہ علاقوں میں ہم نے ایسے تعلیمی ادارے قائم کیے ہیں جہاں دینی و عصری علوم کو عام کیا جا رہا ہے، تاکہ وہاں کے بچے بھی قومی ترقی میں اپنا کردار ادا کر سکیں۔
ہم مستحق طلبہ کی تعلیمی و مالی کفالت کے ساتھ ساتھ انہیں دینی اور دنیاوی دونوں علوم میں مہارت دلوانے کا ہدف رکھتے ہیں، تاکہ وہ باوقار زندگی گزار سکیں۔